Бронежелет киген Өмірзақ Шөкеев Арысты аралап шықты


Түркістан облысының әкімі Өмірзақ Шөкеев Арыс қаласында жарылыстан қираған орындарды аралап шықты.


«Облыс әкімі Арыс қаласында бүлінген инфрақұрылымдық әлеуметтік нысандарды аралап шықты. Атап айтқанда, Өмірзақ Шөкеев балабақшаны, қалалық аурухананы, ІІБ ғимараты мен тұрғын үйлерді аралады. Келтірілген шығын алдын ала есептеліп, қаланың өміріне қажетті жедел шешімдер қабылданды. Тұрғындарды әлі де эвакуациялау жұмысы жүргізіліп, бұл мақсатта 105 көлік жұмылдырылды. Арыс қалалық ІІБ-дегі негізгі штаттан бөлек, 345 қызметкер мен 75 арнайы көлік, шұғыл жәрдемнің 51 экипажы жұмылдырылды. ТЖ тарапынан 201 қызметкер, Түркістан облыстық және Шымкент қалалық ТЖД-ның 26 арнайы техникасы тартылды», - деп жазды өңір басшысының кеңесшісі Сәкен Қалқаманов facebook парақшасында.


Оның жазуынша, ауруханаға қазірге дейін 31 зардап шегуші түскен. Алайда, олардың нақты саны әлі белгісіз.