АҚШ пен Түркия Сириядағы операцияны тоқтатуға келісті


АҚШ және Түркия Анкарадағы келіссөздер барысында Сириядағы Түркия Қарулы Күштері жүргізген «Бейбітшілік қайнары» терроризмге қарсы операциясы 120 сағатқа тоқтатылатынын мәлімдеді, деп хабарлады «Анадолы» агенттігі.

«Біз қалаған нәтижеге қол жеткіздік», - деді Түркия СІМ басшысы Мевлют Чавушоглу.

Қос ел делегациялары YPG лаңкестерінің қолында тұрған ауыр қаруды жинауға, топтың позициясы мен бекіністерін жоюға келісті. Чавушоглу «Бейбітшілік қайнары» операциясының тоқтатылатын мәлім етті.

АҚШ вице-президенті Майк Пенс Түркия мен АҚШ делегацияларының Анкарадағы келіссөздерінен кейін АҚШ YPG террористік ұйымының Сирияның солтүстігіндегі қауіпсіздік аумағынан 120 сағаттың ішінде шығарылуын қамтамасыз ететінін мәлімдеді.

«Біздің мақсатымыз – алдағы 120 сағат ішінде YPG-ні шығару. Аталмыш процесс басталып кетті», - деді саясаткер.

Ол YPG Вашингтонға өз күштерін аймақтан шығаруға кепілдік бергенін атап кетті.

Сонымен қатар, Пенс Түркия мен АҚШ Сирияның солтүстік-шығысындағы ДАИШ-ты түпкілікті жою мәселесі бойынша ортақ келісімге келгенін атап өтті.

Вице-президенттің айтуынша, Сирияның солтүстік-шығысында атыс тоқтатылған жағдайда АҚШ Түркияға қатысты шектеу шараларын жою мәселесін қарастырады.