Қазақстан халықаралық білім рейтингінде нешінші орында тұр


ҚР Білім және ғылым министрі Асхат Аймағамбетов қазақстандық халықаралық білім рейтингтерде нешінші орында екендігін айтты. 


Министрінің айтуынша, Қазақстан 2017 жылдан бастап білім беру және инновациялық саясат жөніндегі ЭЫДҰ комитеттерінің мүшесі. IMD жаһандық бәсекеге қабілеттілік рейтингінде «Білім» субфакторы бойынша әлемнің 64 елінің арасында Қазақстан 26-шы орында.


Осы рейтингтің 20 көрсеткішінің бестігінде Қазақстан бірінші орында тұр. 2019 жылғы Дүниежүзілік экономикалық форумның Жаһандық бәсекеге қабілеттілік индексінде (ДЭФ ЖБИ) «Дағдылар» факторы бойынша Қазақстан 140 елдің ішінде 57-орынға ие болды.


Сондай-ақ, 2019 жылы «WorldSkills International» халықаралық байқауында біздің құрама 14 орынды иеленді. - Егер, PIRLS зерттеуінде мәтінді түсіну және оқу сауаттылығы бойынша біздің оқушылар 27 орында болса, TIMSS зерттеуіндегі математика және жаратылыстануда академиялық білім бойынша мықтылардың бірі және көшбасшы елдердің ондығына кіреді.


PIRLS, TIMSS, PISA — әр түрлі білім салалары мен түрлі жас ерекшеліктері үшін сауаттылық көрсеткіштері болып табылады.


Егер, PIRLS бастауыш сынып оқушыларының сабақ үстінде оқыған материалды пайдалана білу қабілетін көрсетсе, TIMSS жаратылыстану-ғылыми және математикалық білімнің сапасын өлшейді. Ал PISA жасөспірімдердің дағдыларын бағалайды.