Тоқаев: Жетістікке жеткісі келген адам – оның жолын іздейді және табады


Қасым-Жомарт Тоқаев елордадағы «Жанұя» отбасын қолдау институты орталығында болды.


Ақорданың хабарлауынша, президент астаналық отбасыларға «бір терезе» қағидаты бойынша заңгерлік, психологиялық, әлеуметтік қызмет көрсететін орталықтың жұмысымен танысты.


Бұл жерде денсаулық сақтау, білім беру, кәсіпкерлік, атаулы әлеуметтік көмек алу және тұрғын үй бағдарламаларының орындалуы жайында кеңес алуға болады.



«Жанұя» орталығының бастамаларын жоғары бағалаған Мемлекет басшысы аталған мекеменің тәжірибесін еліміздің барлық аймақтарында іске асыру керек екенін айтты.


Сонымен қатар Президент орталықтың базасында іске асырылып жатқан «Кәсіпкер ана» жобасының қатысушыларымен де әңгімелесті.



«Біздің елімізде жұмыс істеп, жетістікке жеткісі келетін адам – оның жолын іздейді және табады. «Іздеген жетер мұратқа», – деді Қасым-Жомарт Тоқаев.